आठ कोरोना सङ्क्रमित डिस्चार्ज

उदयपुरका २८ जना कोरोना सङ्क्रमित मध्ये उपचार पछि आठ जना डिस्चार्ज भएका छन् । कोशी अस्पतालबाट डिस्चार्ज हुनेमा एकजना भारतीय नागरिकसहित सात जना भुल्केका स्थानीय नागरिक रहेका छन्।

उनीहरुलाई यही वैशाख ८ गतेको स्वाब नमूना परीक्षणपछि कोरोना सङ्क्रमण भएको पुष्टि भएपछि उपचारका लागि अस्पताल भर्ना भएका थिए।

उपचारपछि उनीहरुमा पटक–पटक गरिएको स्वाब परीक्षणमा नेगेटिभ रिपोर्ट आएका कारण अस्पतालले उनिहरुलाई डिस्चार्ज गरेको कोशी अस्पतालले जनाएको छ।