थप १० जनामा कोरोना संक्रमण देखियो,संक्रमितको संख्या १ सय २० पुग्यो

कपिलवस्तुमा १० नयाँ कोरोना संक्रमित भेटिएका छन् । योसँग नेपालमा कोरोना संक्रमितको संख्या १२० पुगेको छ ।

राष्ट्रिय जनस्वास्थ्य प्रयोगशाला, टेकुमा गरिएको परीक्षणमा कपिलवस्तु यशोधरा गाउँपालिका ५ र बुद्धभूमि नगरपालिका ७ का २० र ३४ वर्षका दुई–दुई तथा १८, १९, २४, ३०, ३१ र अर्का एक जना उमेर नखुलेका पुरुष गरि १० जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

सुरुवातमा कोरोना संक्रमण रोक्न सरकार सफल भएपनि सीमा नाकामा कडाई नहुँदा नेपाल निकै ठुलो जोखिममा परेको छ । भारतबाट लुकिछिपी आएकाहरुमा कोरोनाको संक्रमण देखिएको स्वास्थ्य मन्त्रालयले जनाएको छ ।

कपिलबस्तु, पर्सा, वीरगञ्ज र नेपालगञ्जामा कोरोनाको जोखिम बढेको छ ।