मकैवाली किराले सखाप पारेपछि प्रतिनिधि गुहार्दै किसान

मकै खेतीमा अग्याँत किराले खान थालेपछि रुरु १ च्यूरेकका किसानहरु चिन्तित भएका छन ।मकै हुर्किदै चारपाते हुनै लाग्दा गूवा मै गएर किराले खाएको र मकै पहेलो हुँदै मर्ने गरेको रुरु १ च्यूरेकका कृषक लक्ष्मण १ ज्ञावलीले बताए।

‘केहि दिन भयो एक प्रकारको हरियो किरो मकैको गुवोमा पुगेर खाने गरेको छ’ उनले भने । ‘किराको कारणले मकै मर्न थाले।’
ज्ञवालीले यसबारेमा रुरु १ का वडाअध्यक्षलाइ जानकारी गराएको बताए ।

उनले वडाअध्यक्ष मार्फत कृषी प्राविधीकसंग कूरा गरिसकेको बताए । ‘सरकारी प्रक्रिया लामो हुने जस्तो देखिएका कारण स्थानिय वासिन्दाले पैसा उठाएर किटनाशक औषधी र औषधि छर्किने मेसिन समेत खरिद गरेर करिव १० घरले मकैमा लागेको किरा मार्न थालिएका रुरु १ का कृषक युवराज ज्ञवालीले बताए।

यस वर्ष समयमै पानी परेको कारणले बेलैमा मकै छरेको र पहिलो चरणको मकै खन्ने काम भइरहँदा अग्याँत किराका कारण किसान त्रसित भएका छन् । अग्याँत किराका कारण मकै खेती नै सखाप हुनेहोकी भन्ने चिन्तामा कृषक रहेका छन्।

एकातिर कोरोनाको कारणले निम्त्याएको खाद्दय संकटको पीडा । त्यय माथि मकै खेतीमा लागेको किराको पीडाले कतै भोकमरि त आउने हैन भन्ने चिन्तामा किसानहरु रहेका छन्।

कृषी प्राविधिकको उच्च शिक्षा अध्ययन गरिरहेका रुरु १ च्यूरेक पिपल मुनिका ओमकार ज्ञवालीले यो किरा बारे आफुले अध्ययन गरिरहेको बताउँदै छिटो उपचार नगरे किराले मकै सखाप पार्ने बताए।

केहि ब्याक्तिले त निजी तरिकाले किटनाशक औषधि छरेका छन तर सबैको यो सामर्थ नरहेकाले स्थानिय निकाय कृषी ग्यान केन्द्र तथा जिल्ला कृषी विकास कार्यालयको ध्यान आकर्षण होस भन्ने माग च्यूरेकका कृषकहरुको रहेको छ।