एकैदिन १०२ जनाको डिस्चार्ज, घर फर्कनेको संख्या ४६७ पुग्यो

एकै दिन १०२ कोभिड–१९ का संक्रमित उपचारपछि डिस्चार्ज भएका छन् । योसँगै अहिलेसम्म ४६७ जनाले कोभिड–१९ लाई जितेका छन् ।

कोभिड–१९ का संक्रमित दिनहुँ बढिरहे पनि निको भएर घर फर्कनेको संख्या पनि क्रमिक रुपमा बढ्दै गएको छ । शनिवार ३२ जना कोभिड–१९ जितेर घर फर्केका थिए भने त्यसअघि शुक्रवार एकै दिन ४३ जनाले संक्रमण जितेका थिए ।

स्वास्थ्य तथा जनसंख्या मन्त्रालयका अनुसार विभिन्न अस्पतालबाट १०२ जना डिस्चार्ज भएका छन् । डिस्चार्ज हुनेहरुमध्ये दुई महिला र १०० पुरुष रहेका छन् ।

अहिलेसम्म डिस्चार्ज हुनेको संख्या ४६७ पुगेको छ । तीमध्ये पुरुष ३९९ र महिला ६८ जना रहेका छन् ।