थप ११६ जनामा कोरोना पुष्टि, संक्रमितको संख्या १७०६१ पुग्यो

नेपालमा थप ११६ जनामा कोरोना संक्रमण पुष्टि भएको छ । योसँगै संक्रमितको संख्या १७ हजार ६१ पुगेको छ ।

नियमित पत्रकार सम्मेलनमा दिइएको जानकारी अनुसार विभिन्न जिल्लामा उक्त संख्याका व्यक्तिमा कोरोना संक्रमण पुष्टि भएको हो ।

मन्त्रालयका  प्रवक्ता डा जागेश्वर गौतमले हालसम्म कुल २ लाख ९३ हजार ७३९ जनाको पीसीआर परीक्षण भइसकेको बताए ।

उनका अनुसार कुल संक्रमित मध्येि ६० दशमलव ५१ प्रतिशत निको भएका छन् । यसैगरी कुल डिस्चार्ज हुनेको संख्या १० हजार ३२८ पुगेको छ ।

त्यस्तै मंगलवार थप ३४ जना डिस्चार्जभएका छन् भने हाल आईसोलेशनमा ६ हजार ६९५ जना रहेका छन् ।