ओरालो लागेको कोरोना संक्रमण गण्डकीमा बढ्यो, आइसोलेसनमा बस्नेको संख्या ४ सय २९

गण्डकी प्रदेशमा एकै दिन ४७ जना कोरोना संक्रमितको संख्या थपिएसंगै त्रास बढेको छ।

मुलुक भर कोरोना संक्रमितको संख्या ओरालो लाएको बेला गण्डकी प्रदशमा क्रमश संक्रमितको संख्या बढेपछि त्रास बढेको हो।

गण्डमी प्रदेश स्वास्थ्य निर्देशनालयले शुक्रबार बिहान र दिउसो जारी गरेको सूचनामा ४७ जना नयाँ संक्रमित थपिएका थिए ।

पछिल्लो समयमा आएर प्रदेशका विभिन्न जिल्लामा ठूलो संख्यामा संक्रमित बढ्न थालेका छन् ।

थप २२ जनामा कोरोना संक्रमण पुष्टि भएको छ । पोखरा स्वास्थ्य प्रतिष्ठनमा गरिएको परिक्षणमा थप २२ जनामा कोरोना पुष्टि भएको हो ।

लमजुङ,तनहँु र नवालपरासी पूर्वमा धेरैको संख्यामा संक्रमित भेटिएको प्रदेशका स्वास्थ्य निर्देशक डा. विनोद विन्दु शर्माले बताए ।

उनले संक्रमण क्रमश घट्दो क्रममा रहेको अस्थामा संख्यात्मकरुपमा केही धेरै संक्रमित थपिएको बताए।

गण्डकी प्रदेशमा शुक्रबाट लमजुङमा २२, तनहँुमा ७ र नवलपरासी पूर्व १८ जना नयाँ संक्रमित थपिएका हुन्।

योसँगै गण्डकीमा संक्रमितको संख्या १ हजार २ सय ७८ पुगेको छ। प्रदेशमा कोरोनको संक्रमणबाट निकोहुनेको संख्या ९ सय ३८ पुगेको छ ।

गण्डकी प्रदेशमा अहिलेसम्म संक्रमित भएका १ हजार २ सय ७८ मध्ये १ हजार १ सय १९ पुरुष रहेका छन् भने १ सय ५९ महिला रहेका छन् ।

प्रदेशका ११ जिल्ला मध्ये बाग्लुङमा २१७ संक्रमित भएका छन। त्यसमध्ये १७४ निको भएर घरफर्किएका छन भने ४२ जना आइसोलेसनमा रहेका छन् ।

१ जनाको मृत्यु भएको छ। त्यसैगरी पर्वतमा ९४ जनमा कोरोना संक्रमण देखिएको छ।

त्यस मध्ये ७१ जना निको भएका छन भने २३ जना आइसोलेसनमा रहेका छन। म्याग्दी ३४ जनामा संक्रम देखिएको छ ।

त्यसमध्ये २१ जना निको भएका छन भने १३ जना आइसोलेसनमा रहेका छन् । त्यसैगरी स्याङजामा १९१ मा संक्रमण देखिएको छ।

त्यसमध्ये १७१ जना निकोभएर घर फर्किएका छन। ६० जना आइसोले सनमा छन भने २ जनाको मृत्यु भएको छ।

कास्कीमा ८२मा संक्रमण देखिएको छ। त्यस मध्ये ७१ जना निको भएर घर फर्किएका छन भने ११ जना आइसोलेसनमा रहेका छन् ।

मनाङ र मुस्ताङमा भेटिएका १।१ जना संक्रमित निको भएर घर फर्किएका छन। हाल दुवै जिल्लाको आइसोलेसन खाली छन् ।

गोरखामा ९९ जना संक्रमित मध्ये ८४ जना निको भएका छन भने ३८ जना आइसोलेसनमा रहेका छन। एक जनको मृत्यु भएको छ।

लमजुङमा ८६ संक्रमित मध्ये ४४ निको भएका छन भने ४२ जना आइसोलेसनमा रहेका छन।,

यस्तै नवलपरासी पूर्वमा २९५ संक्रमित मध्ये १५७ निको भएका छन भने १ सय ३८ आइसोलेसनमा रहेका छन् ।

तनहँुमा १६६ संक्रमित मध्ये १ सय जना निको भएका छन/ ६६ जना आइसोलेसनमा रहेको स्वास्थ्य निर्देशनालयले जनाएको छ।

गण्डकीमा आइसोलेसनमा रहेकाको संख्या ४२९ रहेको छ।प्रदेशमा सवै भन्दा धेरै नवलपरासीमा २९५ जनामा संत्रमण देखिएको छ/

सवै भन्दा कम मनाङ र मुस्ताङमा १।१ जनमा संक्रमण देखिएको छ।गण्डकी प्रदेशमा अहिलेसम्म कोरोना संक्रमणबाट ४ को मृत्यु भएको छ।

मृत्यु हुनेमा बागलुङका १,गोरखा १, स्याङजा वालिङका १ र आँधिखोला गाउँपालिकाका ५५ बर्षिय १ पुरुषको रहेका छन् ।