मुस्ताङको नामग्याल स्कूलद्धारा पोखरामा खाद्यान्न सामाग्री वितरण

हिमाली जिल्ला मुस्ताङको लोमन्थाङमा रहेको पाल ऐ हाम नामग्याल गुम्बा स्कुलले पोखरा महानगरपालिका १४ भित्र रहेको सुकुम्बासी बस्तीमा खाद्यान्न वितरण गरेको छ ।

गुम्बा स्कुलले विद्यालयको पठपाठन संगै सामाजिक क्रियाकलापमा सहभागिता जनाउदै आएकोमा यो वर्ष कोरोना कहरका कारण

खाद्यान्न अभावमा बस्न बाध्य भएका ६० घर परिवारलाई खाद्यान्न सामाग्री वितरण गरेको हो ।

जस अन्तर्गत पोखरा १४ को विजय बस्ती टोल वेलचौतारा, रातो डांडा, बिजयपुर आनन्दटोल घट्टेकुलो, साधनामार्ग र नया बस्तीमा

बसोबास गर्दै आएका दैनिक ज्याला मजदुरी गरी घरको जोहो टार्दै आएकालाई खाद्यान्न सामाग्री वितरण गरेको हो ।

गुम्बा स्कुलका सल्लाहकार तथा गण्डकी प्रदेश सभा सदस्य इन्द्रधारा विष्टको सक्रियता र महिला मानव अधिकार रक्षक सञ्जाल कास्कीको अध्यक्ष तारामाया थापा मगरको समन्वयमा खाद्यान्न सामाग्री वितरण गरिएको हो ।

गुम्बा स्कुलले गण्डकी प्रदेश सरकार र पोखरा महानगरपालिकाले स्थापना गरेको राहत कोषमा १ लाख २० हजार रुपैय सहयोग गरिसकेको छ।

हालै वर्षाका कारण घरबार गुमाएका परिवारहरुलाई समेत खाद्यान्न सामाग्री वितरण गरिरहेको गुम्बाका सल्लाहकार तथा प्रदेश सभा

सदस्य इन्द्रधारा विष्टले वताए ।

विष्टका अनुसार गुम्बाले कोरोना र प्रकृति विपत्तिमा परेकालाई मात्र नभइ बृद्धाश्रम र शारिरीक अपांगता भएका ब्याक्तिहरुलाई पनि

राहत सामाग्री वितरण गर्दै आएको छ ।

गुम्बा स्कुलका प्रध्यानाध्यापक ग्याचो लामाले स्कुलले पहिरो पिडित, सुकुम्बासी तथा शारिरीक अशक्त भएका र वृद्धाश्रममा रहेका

वृद्धवृद्धाहरुलाई लक्षित गरी राहत वितरण गर्ने बताए ।

मुस्ताङको लोमन्थाङ गाउपालिका वडा नम्बर ३ मा रहेको पाल ऐहाम नामग्याल गुम्बा स्कुलले हिउदमा पोखराको खपौदीमा स्कुल सञ्चालन गर्दै आएको छ ।