गण्डकी प्रदेशमा थप ८ संक्रमित थपिए, संक्रमितको संख्या १ हजार ६ सय २०

गण्डकी प्रदेशमा ८ नामा कोरोना संक्रमण पुष्टि भएको छ ।

क्षयरोग केन्द्र पोखरामा गरिएको परीक्षणमा गण्डकीमा थप ८ जनामा कोरोना पुष्टि भएको हो ।

गण्डकी स्वास्थ्य निर्देशनालयका निर्देशक डा.विनोदविन्दु शर्माका अनुसार नयाँ संक्रमितहरुमा कास्कीको पोखरा महानगरपालिकामा २, पर्वत १, तनहुँ २, स्याङजा १ र नवलपरासी पूर्वमा २ जना रहेकाछन् ।

कोरोना संक्रमितहरुलाई सम्वन्धित जिल्लाको आईसोलेसन लैजाने तयारी भइरहेको स्वास्थ्य निर्देशक डा. शर्माले जनाकारी दिए ।
योसँगै गण्डकीमा संक्रमितको संख्या १ हजार ६ सय २० पुगेको छ।

गण्डकी प्रदेशमा २४ घन्टामा क्षयरोग उपचार केन्द्र पोखरामा गरिएको कुल ५६३ नमूना परिक्षणमा नयाँ ८ जना संक्रमित थपिएका हुन्।

प्रदेश अन्तरगतका क्षयरोग उपचार केन्द्र पोखरा र पोखरा स्वास्थ्य बिज्ञान प्रतिष्ठानमा कुल ६०९ जनाको नमुना परिक्षण भएको निर्देशनालयले जनाएको छ ।

प्रदेशमा कोरोनको संक्रमणबाट निकोहुनेको संख्या १ हजार ४ सय ७० पुगेको प्रदेश स्वास्थ्य निर्देशनालयले जानकारी दिएको छ ।

गण्डकी प्रदेशमा संक्रमण भएर आइसोलेसनमा रहेकाको संख्या १ सय ४४ रहेको छन। प्रदेशमा संक्रमण भएका १ हजार ६ सय २० मध्ये अहिले सम्म १ हजार ३ सय ९० पुरुष र १ सय ९२ महिला रहेका छन् ।

प्रदेशमा सवै भन्दा धेरै नवलपरासी पूर्वमा ३ सय ३० जनामा संत्रमण देखिएको छ । मनाङ र मुस्ताङमा भेटिएका १।१ जना संक्रमित निको भएर घर फर्किएका छन।

गण्डकी प्रदेशका ११ जिल्ला मध्ये मनाङ र मुस्ताङ बाहेकका ९ जिल्लामा १ हजा १६ जना क्वारेन्टानइमा रहेका छन । हाल मनाङ र मुस्ताङका क्वारेन्टाइन खाली भएका छन् ।

गण्डकी प्रदेशमा अहिलेसम्म कोरोना संक्रमणबाट ५ को मृत्यु भएको छ।

मृत्यु हुनेमा कास्कीको पोखरा महानगरपालिका १९ का ६२ बर्षिय १ पुरुष, बागलुङका १,गोरखाका १ र स्याङजाका २ जना रहेका छन् ।