पोखराका बैक र सहकारी कर्मचारीलाई कोरोना संक्रमण देखिएपछि दुवै कार्यलय बन्द

पोखरामा समुदायस्तरमा कोरोना भाइरस फैलिएसंगै बैक र सहकारीका कर्मचारीमा समेत संक्रमण देखिएको छ।

पोखराको लेकसाइडस्थित रहेको एक बैक र मालेपाटनमा रहेको सहकारीका कर्मचारीमा संत्रमण देखिएपछि त्रास बढ्दो छ।

मंगलवार बिहान बैंक र सहकारीमा कार्यरत कर्मचारीलाई संक्रमण देखिएपछि दुबै संस्था बन्द गरिएको छ ।

पोखराको लेकसाइड स्थित रहेको बैकको शाखा र मालेपाटनमा रहेको सहकारीका कर्मचारीमा कोरोना पुष्टि भएपछि कार्यलय पूणैरुपमा सिल गरिएको पोखरा महानगरका स्वास्थ्य महाशाखा प्रमुख हेमन्त पौडेलले जानकारी दिए ।

बैंकमा कार्यरत एक ३० वर्षिय पुरुष, पोखरा ५ निवासी सहकारीमा कार्यरत ३८ वर्षिया महिला कर्मचारीमा कोरोना पुष्टि भएको हो ।
महिला कर्मचारीका एक ११ वर्षिय छोरामा समेत कोरोना पुष्टि भएको छ ।

कोरोना पुष्टि भएसंगै दुवै संस्था वन्द गरि कन्ट्याक्ट ट्रेसिङलाई तिव्रता पारिएको प्रमुख पौडेलले वताए।