पोखराका १ युवा नक्कली फेशवुक आइडी बनाएर ठगी गरेको आरोपमा पक्राउ

पोखराका एक युवाले नक्कली फेसबुक आइडी बनाएर विभिन्न ब्याक्तिलाई ठगिगरेको आरोपमा प्रहरीले पक्राउ गरेको छ।

युवाले नक्कली (फेक आइडी) बनाएर विभिन्न बहाना बनाएर म्यासेज पठाएर रकम असुल गरेको आरोपमा पोखरा नदिपुर बस्ने रोशन हमाल ठकुरीलाई जिल्ला प्रहरी कार्यलय कास्कीले पक्राउ गरेको हो।

हमालले वीरगन्जको एक बैंकमा कार्यरत कर्मचारीलाई ठगी गर्ने मनसायले सोहि बैंकमा कार्यरत वरिष्ठ अधिकारीको नामको नक्कली (फेक) फेसबुक आईडी बनाएर विश्वासमा पारी इमर्जेन्सी भएको भन्दै एक लाख रकम ठगी गरेको जिल्ला प्रहरी कार्यलय कास्कीका पिएसपी तथा प्रबक्ता सुवास हमालले बताए।

प्रहरीले ठकुरी बिरुद्ध ठगी आपराधिक विश्वासघात तथा आपराधिक लाभ (एक्टर्सन) सम्बन्धी कसूरमा ७ (सात) म्याद थप गरी थप अनुसन्धान गरिरहेको उनले बताए ।

ठकुरी यसअघि पनि विद्युतीय कारोबार ऐन,२०६३ विपरितको कसुरमा नौ महिना थुनामा रहेका खुलेको छ।

त्यसैगरी जिल्ला प्रशासन कार्यालय, कास्कीबाट सार्वजनिक अपराध मुद्दामा समेत ५ हजार धरौटीमा छुटेका थिए ।