पोखरामा आज रातिदेखि १ साता कडा निषेधाज्ञा

पोखरामा १ साता निषेधाज्ञा जारी हुने भएको छ।

केही दिन देखि पोखरा महानगरलगायतका क्षत्रमा कोरोना संक्रमित तीव्ररुपमा बढेपछि सोमबार मध्यरातदेखि एक साताका लागि निषेधाज्ञा जारी गरिने भएको छ ।

सोमबार बिहान सर्वदलीय बैठकपछि एक साता निषेधाज्ञा जारी गर्ने निर्णय भएको महानगरका प्रवक्ता धनबहादुर नेपालीले जानकारी दिए ।

पोखरा महानगरपालिकाको कोरोना संक्रमण रोकथाम मूल समितिको सोमबार बिहान बसेको बैठकले उक्त निर्णय गरेको हो । मंगलबार बिहानबाट सुरु हुने निषेधाज्ञा भदौ ८ गते बेलुकासम्म कायम रहनेछ ।

निषेधाज्ञाको अवधिमा खाद्यान्‍न र औषधि पसलबाहेक अरु सबै पसल बन्द रहनेछन् । त्यसबाहेक घरबाहिर निस्कन पाइने छैन ।

स्वास्थ्यकर्मी, सञ्चारकर्मी, सुरक्षाकर्मी र अत्यावश्यक सामग्री ढुवानी गर्नेबाहेक प्रशासनबाट पास नलिएका गाडी गुड्न पाउने छैनन् ।