पोखरामा भाेलि रातिदेखि भदौ ७ गते रातिसम्म निषेधाज्ञा

पोखरामा भोलि रातिदेखि निषेधाज्ञा हुने भएको छ ।

पोखरा महानगरपालिकाका मेयर मानबहादुर जिसीले भदौ २ गते राति देखि ७ गते रातिसम्म निषेधाज्ञा हुने जानकारी दिए ।

जिल्ला विपद् व्यवस्थापन समिति (डीसीसीएमसी) काे निर्णय अाउन भने बाकी छ ।

पोखरा कोरोना संक्रमण फैलिएको र चाडपर्वको बेलामा थप संक्रमण जोखिम रहेको भन्दै महानगरको बिहान बसेको कोरोना संक्रमण रोकथाम मूल समितिको बैठकले एक सातासम्म निषेधाज्ञा लगाउनु पर्ने भनी सिफारिस गरेको थियो ।

प्रदेशस्तरको कोभिड–१९ संकट व्यवस्थापन केन्द्र (सीसीएमसी) बैठकमा एक दिनको लागि समय दिनुपर्ने विषयमा छलफल भए अनुसार भाेलि राति १२ बजेदेखिमात्र निषेधाज्ञा गरिने भएको हाे।

तर, प्रदेशस्तरीय समितिले महानगरको बारेमा ठोस निर्णय गरेन । उक्त निर्णय कार्यान्वयन गर्न जिल्ला प्रशासन कार्यालयलाई जिम्मा दिइएको छ ।

भोलि बिहान बस्‍ने डीसीसीएमसीको बैठकले महानगरमात्रै नभई कास्की जिल्लामा नै ५ दिनसम्म निषेधाज्ञा जारी गर्ने निर्णय हुने सम्भावना रहेको पौडेलले जानकारी दिए ।

प्रदेशस्तरीय कोभिड-१९ संकट व्यवस्थापन केन्द्रले सोमबार गरेका निर्णयहरु यस्ता छन् :

१) यस प्रदेशको कोभिड-१९ को नियन्त्रण, रोकथाम र उपचार गर्ने सम्बन्धमा हालसम्म भए गरेका कार्यहरु एवं प्रयासहरुको बारेमा प्रस्तुती भयो । हालसम्म भै रहेका प्रयासहरुलाई कायम राख्दै आगामी दिनमा सरोकारवालाहरु सबैको सहयोग, समन्वय र सहकार्यमा थप प्रभावकारी बनाउने ।

२) नेपाल सरकारबाट २०७७ साल आषाढ र श्रावण महिनामा निर्णय भै आन्तरिक मामिला तथा कानून मन्त्रालयमा प्राप्त भएका निर्णयहरु जानकारी भयो । उक्त निर्णयहरु प्रभावकारी रुपमा कार्यान्वयन गर्ने, गराउने ।

३) कोभिड १९ को बढ्दो जोखिमबाट बच्न अति आवश्यक काम नपरी घरबाट बाहिर ननिस्कने । आवश्यक काम परी बाहिर निस्कनै पर्ने भएमा स्वास्थ्य तथा सुरक्षा सम्बन्धी मापदण्डको पालना अनिवार्य रुपमा गर्ने गराउने कार्यमा प्रदेश सरकार, स्थानीय प्रशासन, सुरक्षा निकाय एवं स्थानीय तहहरु ९वडा कार्यालयहरु० ले सवै नागरिकलाई सुसुचित गर्ने, गराउने । मापदण्डको पालना भए नभएको विषयमा प्रभावकारी अनुगमन गरी नभएको पाइएमा सबै स्थानीय प्रशासन तथा सुरक्षा निकायहरुले कार्यान्वयनको व्यवस्था मिलाउने ।

४) नजिकिदै गरेको कुशे औंशी (बुबाको मुख हेर्ने दिन), ऋषि पञ्चमी, हरितालिका तीज लगायतका चाडपर्वहरु एवं सार्वजनिक स्थलहरुमा सभा, सेमिनार, बार्षिकोत्सव, अधिवेशन आदिजस्ता कार्यक्रम गर्न स्थानीय प्रशासनले आवश्यकता अनुसार रोक लगाउने । सो को अनुगमन सबै स्थानीय तहहरुले गर्ने र कार्यान्वयनलाई प्रभावकारी बनाउन स्थानीय प्रशासन र सुरक्षा निकायहरुले सहयोग गर्ने ।

५) मुख्यमन्त्री तथा मन्त्रिपरिषदको कार्यालयबाट सामाजिक विकास मन्त्रालयमा आइसोलेसन कक्षहरुको व्यवस्थापनका लागि हालसम्म पठाइएको रकमको खर्च र थप रकम आवश्यक पर्ने भए सो समेतको यथार्थ विवरण यथाशीघ्र मुख्यमन्त्री तथा मन्त्रिपरिषदको कार्यालयमा पठाउने ।

६) कोभिड १९ बाहेक अन्य रोगका कारण अस्पतालमा भर्ना भै उपचार सकेर मष्कअजबचनभ गरिने सवै विरामीको अनिवार्य पि।सि।आर परिक्षण गरेर सो को नतिजा लभनबतष्खभ आएमा मात्र मष्कअजबचनभ गर्ने व्यवस्था सामाजिक विकास मन्त्रालयले मिलाउने र सो का लागि आवश्यक कार्यविधी बनाउन पर्ने भए सो समेत बनाउने ।

७) गण्डकी प्रदेशको प्रवेश विन्दुमा राखिएका सुरक्षा निकायका चेक पोइन्टहरुमा हुने चेक जाँचलाई थप प्रभावकारी बनाउने । यस प्रदेशमा प्रवेश गर्ने व्यक्तिहरुको नाम, सम्पर्क नम्वर र सम्भव भएसम्म फोटो समेतको विवरण राख्‍ने व्यवस्था गर्ने । सो को लागि सरोकारवालाहरु सवैले आ(आफ्नो क्षेत्रबाट सहयोग, समन्वय र सहकार्य गर्ने ।

८) कोभिड १९ का कारण निधन हुने व्यक्तिहरुको शव व्यवस्थापन गर्नका लागि जिल्लास्थित म्ऋऋःऋ ले सवै सरोकारवालाहरुसँग छलफल गरी शव व्यवस्थापन स्थल तोक्ने र सो को जानकारी प्रदेश स्थित ऋऋःऋ(इएक लाई पठाउने ।

९) पोखरा महानगरपालिका भित्र स्वाव परिक्षणलाई थप प्रभावकारी बनाउन महानगरपालिका र स्वास्थ्य निर्देशनालयको संयुक्त टोली परिचालन गर्ने । सो को लागि महानगरपालिकाका वडामा कार्यरत स्वास्थ्यकर्मीलाई तालिम दिन पर्ने भए दिने र उक्त टोलीले जोखिम प्रभावित क्षेत्रलाई प्राथमिकता दिने ।