पोखरामा उपचारका क्रममा १ महिलाको मृत्यु, कोरोनाको आशंकामा स्बाव परिक्षण

पोखरामा कोरोना भाइरससँग मिल्दो जुल्दो लक्षण भएकी एक महिलाको मृत्यु भएको छ।

पोखराको बुद्धचोकस्थित रहेको ग्यालेक्सी हस्पिटलमा उपचारको क्रममा २६ बर्षिय महिलाको मृत्यु भएको छ ।

स्वास्थ्यमा समस्या देखिएपछि उनी तनहुँको बन्दीपुरबाट उपचारका लागि पोखरा ल्याइएको थियो ।

उनलाई स्वास्थ्यमा समस्या भएपछि भरतपुरको एक अस्पतालमा उपचार गराएर फर्किएपछि समस्या निको नभएको भन्दै पोखरा ल्याईएको थियो ।

अस्पताल ल्याइएको ४५ दिनेटभित्रै उनको मृत्यु भएको अस्पतालले जनाएको छ। उनको बिहान ११ बजेतिर मृत्यु भएको हो ।

मृत्यु पछि कोरोनाको आशंकामा परीक्षणका लागि स्वाब पठाइसकिएको छ ।