पोखरा मालेपाटनमा जीपको ठक्करबाट गम्भीर घाइते प्रहरी हवल्दार थारुको मृत्यु

पोखराको मालेपाटनमा मोटरसाइकल दुर्घटनामा परी गम्भीर घाइते भएका प्रहरी हवल्दारको पनि मृत्यु भएको छ ।

हिजो राती प्रहरी चढेको १ बजे ग १ ब ३६९ नम्वरको मोटरसाइकललाई बिश्वास पेट्रोल पम्प अगाडी ग २ च २६२६ नम्वरको बोलेरो

जिपले ठक्कर दिंदा गम्भीर घाइते प्रहरी हवल्दार डम्बर थारुको गण्डकी मेडिकल कलेजमा उपचारका क्रममा बुधबार दिउँसो मृत्यु
भएको जिल्ला प्रहरी कार्यलय कास्कीका प्रबक्ता सुवास हमालले जानकारी दिएको छ ।

दुर्घटनामा पाल्पा जिल्ला रिप्दीकोट गाउँपालिका ८ घर भइ वडा प्रहरी कार्यालय बैदाममा कार्यरत प्रहरी जवान चन्द्र बहादुर बगालेको राती नै उपचारको क्रममा समृत्यु भएको थियो ।

मृतक दुवै जना दंगा नियन्त्रण प्रहरी गण तनहुँ गुल्म नं. २ दरबन्दी भई वडा प्रहरी कार्यालय बैदाममा कार्यरत रहेको प्रहरीले जानकारी दिएको छ ।

प्रहरीले ठक्कर दिने जिपका चालक विशाल केसीलाई नियन्त्रणमा लिई घटनाका वारेमा थप अनुसन्धान गरिरहेको जनाएको छ ।