पोखरामा १ महिला सहित गण्डकीमा थप २ जना नयाँ कोरोना संक्रमित थपिए

पोखरा महानगरपालिका वडानं २७ मा एक महिला सहित गण्डकी प्रदेशमा थप २ जना नयाँ कोरोना संक्रमित थपिएका छन् ।

नयाँ संक्रमित संगै गण्डकीमा कोरोना संक्रमितको कुल संख्या १८२३ पुगेको छ।

स्वास्थ्य निर्देशनालयको पछिल्लो अद्यावधिक विवरण अनुसार प्रदेश क्षयरोग केन्द्र पोखरामा गरिएको पीसीआर परीक्षणमा गण्डकी प्रदेशका तीन जिल्लाका २ जनामा कोरोना पुष्टि भएको छ ।

कास्कीको पोखरा महानगरपालिका वडा नं -२७ का ५० वर्षीय महिलाको नमुना संकलन पोजेटिभ देखिएको निर्देशनालयले जनाएको छ ।

यस्तै नवलपरासी गौडाकोट – २ का ३२ वर्षीय पुरुषको नमुना संकलन पोजेटिभ देखिएको निर्देशनालयले जनाएको छ ।

संक्रमित सबैलाई सम्बन्धित जिल्लाको आइसोलेसन कक्षमा लैजाने तयारी भैरहेको छ ।