स्याङ्जामा थपियो एकसाताका लागि निषेधाज्ञा

स्याङ्जामा जारी निषेधाज्ञा एक हप्ताका लागि थप भएको छ ।

भदौ १० गते बसेको जिल्ला कोभिड व्यवस्थापन केन्द्र (सिसिएमसी) को बैठले निषेधाज्ञा थप गर्ने निर्णय गरेको थियो ।

प्रमुख जिल्ला अधिकारी गंगाबहादुर क्षेत्रीले भदौ १२ देखी लागु हुने गरि भदौ १८ गते राति १२ बजेसम्मका लागि निषेधाज्ञा जारी गरेका छन् ।

कोरोना भाइरस संक्रमण बद्दै गएपछि स्याङ्जामा साउन १३ गतेदेखि १० दिनका लागि अत्यावस्यक वाहेकका सेवा बन्द गरिएको थियो । त्यस यता स्याङजामा निषेधाज्ञाले पटकपटक थप हुदै भाद्र १८ सम्मका लागि निरन्तरता पाएको छ ।

संक्रमण फैलन सक्ने सम्भावनलाई ध्यान दिदैे निषेधाज्ञाको अवधि बढाइएको प्रमुख जिल्ला अधिकारी क्षेत्रीले बताए ।

निषेधाज्ञाको अवधीमा अति आवश्यक सेवा बाहेक सबै बन्द रहने छन् । स्वास्थ्य सुरक्षाका उपाए अपनायर संचालन गर्न चाहेमा बैंक तथा बित्तिय संस्था संचालनमा भने रोक लागाइएको छैन ।

पछिल्लो समय स्याङ्जामा संक्रमण दर घट्दो छ ।

भदौ १० गतेको तथ्यङक अनुसार स्याङजामा ३१० संक्रमित पत्ता लागेकोमा ११ जना सक्रिय संक्रमित छन्, भने दुइदिन यता नयाँ संक्रमित भेटिएक छनैन् ।

अहिलेसम्म दुइजनाले भाइरसका कारण ज्यान गुमाएका छन् ।