पोखराको कोभिड उपचार केन्द्रमा मृत्यु भएका ब्याक्ति नबिल बैँकको शुरक्षा गार्ड

पश्चिमाञ्चल क्षेत्रीय अस्पतालको कोभिड उपचार केन्द्रमा उपचाररत पोखरा १४ का ५८ वर्षे पुरुष नबिल बैँकका शुरक्षा गार्ड भएको कुरा खुल्न आएको छ ।

नबिल बैँकको न्युरोड शाखामा कार्यरत उनी केहि समयअघि स्वास्थ्यमा समस्या देखिएपछि अस्पतालमा उपचारका लागि पुगेका थिए ।

पेटमा समस्या देखिएपछि उनी भदौ ७ गते अस्पताल भर्ना भएका थिए। उनको आन्द्रा बटारिएकाले पेटको अप्रेसन गर्नुपरेको थियो। पछि पिसिआर परिक्षण गर्दा गराउँदा भदौ १० मा पोजेटिभ देखिएको थियो।

अस्पतालका निर्देशक अर्जुन आचार्यले कोरोना पुष्टि भएपछि उनलाई अस्पतालको कोभिड उपचार केन्द्रको आइसियुमा राखिएकोमा आज मृत्यु भएको जानकारी दिए।

तीन दिन देश लगातार प्रतिष्ठानमा उपचारका क्रममा १।१ जनाको मृत्यु भइरहेको छ । बिहिबार पोखरा १२ की ३२ बर्षिय महिलाको मृत्यु भएको थियो ।

त्यसैगरी शुक्रबाट पोखरा १६ ठेगाना उल्लेख भएका लमजुङका ५२ बर्षिय पुरुषको मृत्यु भएको थियो।

प्रतिष्ठानको कोभिड उपचार केन्द्रमा उपचारका क्रममा हाल सम्म ७ जनाको मृत्यु भएको डा. आचार्यले बताए।

गण्डकी प्रदेशमा हाल सम्म कोरोना संक्रमणबाट १२ जनाको मृत्यु भएको छ।