भारतका पूर्व राष्ट्रपति प्रणव मुखर्जीको निधन

भारतका पूर्व राष्ट्रपति प्रणव मुखर्जीको निधन भएको छ। केही दिनदेखि अस्पताल भर्ना भएर उपचार गराइरहेका उनको सोमबार निधन भएको हो।

उनलाई कोरोना संक्रमण पनि भएको थियो। उनका छोरा अभिजित मुखर्जीले ट्वीट गर्दै आफ्ना पिता प्रणव मुखर्जीको निधन भएको पुष्टि गरेका छन्।

८४ वर्षीय मुखर्जीको निधनप्रति भारतीय राष्ट्रपति रामनाथ कोविन्दले दु:ख व्यक्त्त गरेका छन्।

‘प्रणव मुखर्जीको निधनले म निकै दुखी भएको छु। उनको निधन एक युगकै अन्त्य हो’ उनले भनेका छन् ‘प्रणवले देशको सेवा गरे र आज उनको निधनमा सारा देश दु:खी छ।’