थप १ हजार ६९ जनामा कोरोना संक्रमण पुष्टि, संक्रमितको संख्या ४० हजार ५२९

थप १ हजार ६९ जनामा कोरोना भाइरसको संक्रमण पुष्टि भएको छ ।

यो सँगै नेपालमा मंगलबार कोरोना संक्रमितको संख्या ४० हजार ५२९ पुगेको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नियमित अपडेटमा उक्त जानकारी दिएका हुन् ।

पछिल्लो २४ घण्टामा थप ७६८ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म २२ हजार १७८ पुगेको छ ।

मन्त्रालयका अनुसार कोरोनाका कारण आज थप ११ जनाको मृत्यु भएसँगै ज्यान गुमाउनेको संख्या २३९ पुगेको छ ।