पोखराको फिष्टेल अस्पतालमा उपचाररत महिलाको कोरोना संक्रमणबाट मृत्यु

पोखरामा कोरोना भाइरस संक्रमणबाट थप १ जना महिलाको मृत्यु भएको छ।

पोखरा महानगरपालिका ५ की ४५ वर्षीया महिलाको उपचारका क्रममा पोखराको गैह्रापाटनस्थित रहेको फिष्टेल अस्पतालमा मृत्यु भएको हो ।

स्वास्थ्य निर्देशनालय गण्डकी प्रदेशका अनुसार उनको फिस्टेल अस्पतालमा गएराती १ः४५ बजे मृत्यु भएको हो ।

आज विहान समेत पोखरामा स्याडजाका ८५ बर्षिय एक पुरुषको पश्चिमाञ्चल क्षेत्रिय अस्पताल पोखरामा उपचारका क्रममा मृत्यु भएको थियो ।

उनीमा समेत कोरोना संक्रमण पुष्टि भएको थियो।

योसँगै गण्डकी प्रदेशमा मृत्यु हुने कोरोना संक्रमितको संख्या २४ पुगेको निर्देशनालयले उल्लेख गरेको छ ।