सरकारले पुनर्नियुक्ति नगरेपछि प्राधिकरणबाट विदा भए कुलमान घिसिङ

मुलुकबाट १८ घण्टा लामो लोडसेडिङ हटाएका कुलमान घिसिङ नेपाल विद्युत प्राधिकरणबाट बिदा भएका छन्। 

भदौ २८ गते कार्यकाल सकिएका उनको पुन नियुक्ति नभएपछि मंगलबार प्राधिकरणका कर्मचारीले औपचारिक रूपमा बिदाई गरेका हुन्। कार्यक्रममा बोल्दै उनले संस्थामा नेतृत्व परिवर्तन हुनु स्वभाविक प्रक्रिया भएकाले सबैले आत्मसाथ गर्नुपर्ने बताए।

उनले प्राधिकरणबाट आफू बाहिरिएको विषयलाई स्वभाविक रुपमा लिन सबैलाई आग्रह गरे।

उनले आफ्नो कार्यकालमा लोडसेडिङ घटाउने कार्य भएको र यो कार्यमा साथ दिने सबै कर्मचारी र सरोकारवालालाई धन्यवाद दिए।

घिसिङले आफ्नो चार वर्षको कार्यकालमा गरेको कामले प्राधिरकणको गरिमा उच्च भएको बताए।