हिरासतबाटै ४ जना अभियुक्तले कुलेलम ठोके, खोजी तीव्र पार्दै प्रहरी

चोरीमा संलग्न भएको आशंकामा प्रहरीले नियन्त्रणका लिएका चार जना व्यक्ति हिरासतबाटै फरार भएका छन्।

महानगरीय प्रहरी वृत्त, कालिमाटीको हिरासतमा राखिएका चार जना गएराति फरार भएका हुन्।

काठमाडौं प्रहरीका एसपी सोमेन्द्रसिंह राठौरका अनुसार ड्यूटी अफिसर सुतेको बेला हत्कडीसहित अनिल जैसवाल, सुजित गुप्ता, अंशु जैसवाल र रविन्द्र अग्रवाल भागेका हुन्

प्रहरीले उनीहरुले लगाएको एउटा हत्कडी भने बरामद गरेको छ। हिरासबाट फरार भएका चारैजनाको खोजीका लागि प्रहरी परिचालन गरिएको छ।