स्याङ्जा पहिरो अपडेट : ६ जनाको मृत्यु, चार बेपत्ता

स्याङ्जाको पहिरोमा परी हराइरहेका ९ मध्ये ५ जनाको शव भेटिएको छ ।

बिहीबार बिहान ६ बजेतिर वालिङ नगरपालिका १४ तमादीमा पहिरो जाँदा माया नेपालीको घर पुरिएको थियो ।

पहिरोमा परी हराइरहेकामध्ये २७ वर्षे उमाकला नेपाली, ४८ वर्षे माया नेपाली, ३० वर्षे दीपक नेपाली, ६० वर्षे सानी नेपाली र ९ वर्षे विवश नेपालीको शव भेटिएको प्रदेश प्रहरी कार्यालय पोखराले जनाएको छ । बाँकी ४ जनाको खोजी भइरहेको छ ।

घाइते अवस्थामा भेटिएकी १६ वर्षकी मनिषा नेपालीको अवस्था गम्भीर रहेकाले उपचारका लागि पोखरा ल्याइएको छ । उक्त घरमा १० जना सुतेका थिए ।

यसैगरी जिल्लाकै कालीगण्डकीमा पहिरोले घर पुर्दा १६ वषे विष्णुबहादुर परियारको मृत्यु भएको प्रहरीले जनाएको छ ।

घटनास्थलमा नेपाल प्रहरी, सशस्त्र प्रहरी, जनप्रतिनिधि, स्थानीयले बिहानैदेखि उद्दार कार्यलाई जारी राखेका छन् । माथिबाट निरन्तर पहिरो खसिरहेकाले उद्दार कार्यमा कठिनाई भएको प्रहरीले जनाएको छ ।