गण्डकी प्रदेशमा थप २५ संक्रमित थपिए, प्रदेशमा कोरोना संक्रमितको संख्या ३ हजार ६ सय ४

गण्डकी प्रदेशमा पछिल्लो २४ घण्टामा २५ कोरोना संक्रमित थपिएका छन् ।

गण्डकी प्रदेश स्वास्थ्य निर्देशनालय पोखराले दिएको जानकाी अनुसार ८ सय ८० जनाको स्वाब परिक्षण गर्दा नवलपरासी पुर्वमा १९ जना, स्याङ्जामा ३ जना र कास्कीमा ३ जना गरि २५ संक्रमित थपिएका हुन् ।

यो संगै गण्डकी प्रदेशमा कोरोना संक्रमितको संख्या ३ हजार ६ सय ४ पुगेको स्वास्थ्य निर्देशक तथा गण्डकी प्रदेश कोरोना नियन्त्रण

तथा रोकथाम कार्यक्रमका प्रवक्ता डा. विनोद विन्दु शर्माले जानकराी दिनुभयो ।

यस्तै गण्डकी प्रदेशमा पछिल्लो २४ घण्टामा १ सय ३० जना संक्रमित निको भएर डिस्चार्ज भएका छन् ।

यो संगै गण्डकी प्रदेशमा कोरोना निको हुनेको संख्या २ हजार ४ सय ५९ पुगेको छ ।

गण्डकी प्रदेशमा कोरोना संक्रमण बाट मृत्यु हुनेको संख्या ३२ रहेको छ ।