खोप पत्ता लाग्नुअघि २० लाख संक्रमितको मृत्यु हुने डब्लुएचओको चेतावनी

विश्व स्वास्थ्य संगठन (डब्लुएचओ) ले कोरोनाविरुद्धको खोप पत्ता लाग्नुअघि विश्वभर कोरोना संक्रमणबाट मृत्यु हुनेको संख्या २० लाख पुग्न सक्ने चेतावनी दिएको छ ।

करिब १० लाम मानिसको कोरोना संक्रमणका कारण मृत्यु भइसकेको र अझै १० लाख मानिसले मृत्यु हुन सक्ने डब्लुएसओले चेतावनी दिएको हो ।

डब्लुएचओका आपतकालीन सेवाका प्रमुख डा. माइक रायनले कोरोनाबिरुद्धको खोप अझै तयार भइनसकेको र खोप आउदासम्म थप १० लाखको मृत्यु हुनसक् चेतावनी दिएका हुन् ।

कोरोना संक्रमणबाट जोगिन एकीकृत र प्रभावकारी कदम चाल्नुपर्नेमा समेत रायनले जोड दिए ।

सन् २०१९ को डिसेम्बरबाट चीनको वुहानबाट सुरु भएको कोरोना भाइरस संक्रमणले तीन करोड २० लाखभन्दा धेरैलाई संक्रमण भइसकेको छ ।

रायनले कोरोना महामारी रोक्न राम्रो उपचार र प्रभावकारी खोपमात्रै सबथोक नभएको भन्दै त्यसका लागि सबै देशका सरकारहरुले कोरोना नियन्त्रणका लागि सम्भव भएसम्मका सबै उपाय कडाइका साथ अपनाउनुपर्नेमा उनले जोड दिए ।

अहिलेसम्म अमेरिका, भारत र ब्राजिल र युरोपियन देश कोरोनाबाट सबैभन्दा बढी प्रभावित छन् । संक्रमितको ठुलो हिस्सा यी मुलुकमा छ ।

डा. रायनले निकै फराकिलो दायरामा कोरोना फैलिएको र यसले चिन्ताजनक अवस्था सृजना गरिदिएको बताए ।