स्वास्थ्यकर्मीसहित २ जनाको कोरोना संक्रमणबाट मृत्यु

बाँकेको नेपालगन्ज मेडिकल कलेजमा उपचाररत दुईजना कोरोना संक्रमितको मृत्यु भएको छ ।

मृत्यु हुनेमा कोहलपुर नगरपालिका–१० का ५३ वर्षीय पुरुष र नेपालगञ्जका ४१ वर्षीय पुरुष रहेका छन् । नेपालगन्जका मृतक पुरुष नेपालगन्ज मेडिकल कलेजका स्वास्थ्यकर्मी भएको बताइएको छ ।

एकजना संक्रमितको उपचारका क्रममा गएराति र एक जनाको बिहान ४ बजे मृत्यु भएको हो ।

दुवैजनालाई प्लाज्मा थेरापी र रेम्डेसिभिर औषधि दिएर उपचार भइरहेको थियो ।

भेन्टिलेटरमा राखेर उपचार गराइरहेका उनीहरुको मृत्यु भएको हो ।