पोखरामा १६ सहित गण्डकी प्रदेशमा थप १९ जनामा कोरोना संक्रमण

गण्डकी प्रदेशमा थप १९ जनामा कोरोना संक्रमण पुष्टि भएको छ।

क्षयरोग उपचार केन्द्र पोखरामा गरिएको परीक्षणमा १९ जना कोरोना संक्रमित पुष्टि भएको हो ।

नायाँ थपिएका संक्रमितहरुमा पोखरा महानरका विभिन्न वडाहरुमा १६ जनामा संक्रमण देखिएको हो ।

गण्डकी प्रदेश स्वास्थ्य निर्देशनालयका निर्देशक डा.विनोद विन्दु शर्माले पोखरा महानगर पालिका वडा नं ३ का ४८ वर्षीय पुरुष,

वडा नं १७ का ४५ वर्षीय पुरुष, वडा नं २९ का २० र ४१ वर्षीय पुरुष, वडा नं ३० का २२ र ४१ वर्षीय पुरुषमा संक्रमण
देखिएको बताए ।

त्यसैगरी वडा नं ३१ का ११, १४, १८, १९ वर्षीय बालिका र २६, ३४ र ६० वर्षीया महिलाका साथै पोखरा ३१ का १९, २७ र २८ वर्षीय पुरुषका कोरोना संक्रमण पुष्टि भएको हो ।

स्याङ्जा जिल्ला भीरकोट नगरपालिकाका २१, २२ र २८ वर्षीय पुरुषमा कोरोना संक्रमण पुष्टि भएको हो ।

योसंगै गण्डकी प्रदेशमा कोरोना संक्रमितको संख्या ३९४० पुगेको छ ।

संक्रमित सबैलाई आईसोलेसनमा व्यवस्थापन गर्ने तयारी भएको गण्डकी प्रदेशका स्वास्थ निर्देशक बिनोद विन्दु शर्माले जानकारी दिए ।