गण्डकी प्रदेशमा ८१ जनामा कोरोना संक्रमण पुष्टि

गण्डकी प्रदेशमा आज ८१ जनामा कोरोना संक्रमण पुष्टि भएको छ।

चितवन मेडिकल कलेज र क्षयरोग उपचार केन्द्र पोखरामा गरिएको परीक्षणमा ६ जिल्लाका ८१ जनामा कोरोना पुष्टि भएको प्रदेश स्वास्थ्य निर्देशनालयले जनाएको छ।

कोरोना पुष्टि हुनेमा नवलपुरका ५२, तनहुँका १८, लमजुङका पाँच, बागलुङका तीन, स्याङ्जाका दुई र गोरखाका एक जना छन्।

नवलपुर जिल्लाको मध्यविन्दु अस्पतालका कार्यरत पाँच जना पुरुष कर्मचारी र ३१ वर्षीया महिला कर्मचारीमा कोरोना संक्रमण पुष्टि भएको छ ।

योसहित गण्डकी प्रदेशमा कोरोना संक्रमितको संख्या चार हजार ९७ पुगेको छ। तीमध्ये २७ सय ४५ जना निको भएका छन्।