पोखराको गण्डकी मेडिकलकलेजमा उपचाररत एक कोरोना संक्रमितको मृत्यु

पोखराको गण्डकी मेडिकलकलेज (जीएमसी) मा उपचाररत एक पुरुषको कोरोना सङ्क्रमणबाट मृत्यु भएको छ ।

तनहुँ जिल्ला, ब्यास नगरपालिका- ३ का ६५ बर्षीय पुरुषको उपचारका क्रममा मृत्यु भएको स्वास्थ्य निर्देशनालय गण्डकीका निर्देशक विनोद विन्दु शर्माले जानकारी दिनुभयो ।

निर्देशनालयका अनुसार असोज २५ गते अस्पतालमा भर्ना भएका पुरुषमा मधुमेह र उच्च रक्तचाप सम्बन्धि समस्या रहेको थियो ।

यस सँगै गण्डकी प्रदेशमा कोरोनाबाट मृत्यु हुनेको संख्या ४७ पुगेको छ ।