पोखरामा पेट्रोलियम पदार्थ शुक्रवार सम्म सहज हुने

शुभेच्छा न्यूज

पोखरा । पेट्रोलियम पदार्थ ढुवानी टयाङकर चालकको आन्दोलनका कारण पोखरामा देखिएको पेट्रोलियम पदार्थको अभाव शुक्रवार सम्म सहज हुने भएको छ।
गत बैशाख २ गते विरगन्जमा टयाङकर चालक माथी प्रहरीले हातपात गरेको भन्दै टयाङकर चालकहरु आन्दोलित भएका थिए । ट्याङकर चालकहरुले प्रेट्रोलियम पदार्थ नै लोड नगरि आन्दोलनमा उत्रिएपछि ढुवानी नहुदा बजारमा अभाव देखिएको हो ।
भारतमा दुइ दिन सार्वजानिक विदासंगै चालकहरुको आन्दोलनका कारण नेपाली ट्याङकरहरुले प्रेट्रोल र डिजेल भर्ना पाएका थिएनन् । चालक आन्दोलन फिर्ता हुदाँ पनि लोड भएका टयाङकर नआइपुग्दा पोखरामा पेट्रोलियम पदार्थ अभाव देखिएको नेपाल अयाल निगम गगन गौडा डिपोका प्रमुख नवविनोद पोखरेलले बताए ।
डिपोले बुधबार मात्रै ८४ हजार लिटर पेट्रोल र १ लाख २४ हजार डिजेल पोखरा बजारमा पठाएको छ ।
शुक्रबार देखी पुर्ण रुपमा समाधान हुने नेपाल पेट्रोलीयम डिर्लस एशोसियसन कास्कीका अध्यक्ष राजन गौंगजुले जानकारी दिए । उनले भने ‘पेट्रोलीयम पद्धार्थको अभाव आंशिक रुपमा भएको छ, शुक्रबार देखी चाहिए जति पाइन्छ ।’
उनका अनुसार अब सवारी साधानले पेट्रोलियम पदार्थको लागि लाइन बस्नु पर्ने छैन। बुधबार पोखराका २१ वटा पेट्रोलपम्पबाट पेट्रोलीयम पद्धार्थको वितरण गरिरहेको छ।
कास्कीमा ३६ वटा पेट्रोल पम्पहरु छन । पोखराको गगनगौडा डिपोमा ३ लाख ५० हजार लिटर पेट्रोल र २२ लाख लिटर डिजेल भण्डारण क्षमता छ ।
पेट्रोलीयम पद्धार्थलाई सहज बनाउन नेपालगञ्जबाट पनि ट्याङकर पोखरा आईरहेको आयल निगनले जनाएकोछ।