गण्डकी प्रदेशमा थप ५८ जनामा कोरोना संक्रमण पुष्टि

गण्डकी प्रदेशमा थप ५८ जनामा कोरोना संक्रमण पुष्टि भएको छ ।

७ जिल्लामा थप संक्रमित फेला परेको स्वास्थ्य निर्देशनालय गण्डकीले जनाएको छ ।

थपिनेमा कास्कीका ३८, लमजुङका ११, तनहुँका ५ जना छन् । यसैगरि बागलुङ, गोरखा, पर्बत, स्याङ्जाका १/१ जना छन् ।

योसहित गण्डकीमा संक्रमितको संख्या ६ हजार १८ पुगेको छ । यस्तै मंगलबार थप १ जनाको कोरोना संक्रमणका कारण मृत्यु भएको छ ।

मृत्यु हुनेमा पोखरा महानगर २२ का ४४ वर्षीय पुरुष रहेको निर्देशनालयले जनाएको छ ।

योसहित गण्डकीमा संक्रमणका कारण मृत्यु हुनेको संख्या ५५ पुगेको छ ।