पोखरामा कोरोना संक्रमणबाट बागलुङका ७२ बर्षीय पुरुषको मृत्यु

गण्डकी प्रदेशमा कोरोना संक्रमणबाट थप एक जनाको ज्यान गएको छ ।

कोरोना संक्रमणका कारण बागलुङ गलकोट नगरपालिका-३ का ७२ बर्षीय पुरुषको निधन भएको हो ।

कोरोना संक्रमित पुरुषको बिहिबार साँझ पोखरा स्वास्थ्य बिज्ञान प्रतिष्ठानको आईसियुमा उपचारका क्रममा मृत्यु भएको प्रतिष्ठानका
निर्देशक डा. अर्जुन आचार्यले जानकारी दिए ।

उनलाई कार्तिक ८ गते कोरोनाको संक्रमण पुष्टि भएको थियो । गण्डकीमा कोरोना संक्रमितको संख्या ७ हजार ४७ पुगेको छ ।

तीमध्ये ४ हजार ६६ जना निको भएका छन् भने ७३ जनाको ज्यान गएको छ ।