घारिपाटन सहकारीको प्रथम साधारण सभा सम्पन्न

घारिपाटन बचत तथा ऋण सहकारि संस्था लि को प्रथम बार्षिक साधारण सभा शनिबार पोखरामा सम्पन्न भएको छ ।

साधारण सभाको पोखरा महानगरपालिका वडा न १७ का वडा अध्यक्ष तिर्थराज अधिकारीको प्रमुख आतिथ्यतामा सम्पन्न भएको थियो।

अध्यक्ष अधिकारीले सहकारी ऐन र सरकारको निर्देशन अनुसार सहकारीलाई अगाडि बढाऊन अनुरोध गर्दै सहकारी उत्पादनमुखि हुनुपर्नेमा जोड दिए /

अधिकारीले कोभिड १९ बाट बच्न र बचाउन सबै वडाबासीलाई सु-सुचित गर्न पनि सहकारीले भूमिका खेल्न आग्रह गरे ।

उनले कोरोना माहामारीको प्रतिकुल पारिस्थितिमा स्वास्थ्य मापदण्ड पालना गरी वार्षिक साधारण सभा सम्पन्न गरेकोमा ख़ुशी प्रकट गरे ।

कार्यक्रममा विशेष अतिथी वडाका सदस्य एबम पोखरा महानगरपालिकाका कार्यपालिका सदस्य तथा सहकारी समितीका सदस्य

राधिका शाही योगिले सरकारले बिनियोजन गरेको सहयोग र अनुदानको सहकारीले भरपुर सदुपयोग गरी सेयर सदस्यको आर्थिक अवस्था अझ मजबुद बनाउन प्रयास गर्नु पर्नेमा जोड दिईन।

कार्यक्रममा संस्थाका अध्यक्ष गोकर्ण क्षेत्रीले बार्षिक प्रतिबेदन तथा भाबी कार्ययोजना प्रस्तुत गर्दै “एक सदस्य एक कागतीको बोट” योजना संचालन गर्न लागेको जानकारी दिए।

कार्यक्रममा सह-सचिब बिष्णु जिसि, लेखा समितिका संयोजक हरि प्रसाद श्रेष्ठ, सल्लाहकार तोयनाथ लम्साल,लिलकाजी गुरुङ , कोषाध्यक्ष गोबिन्दनाथ योगिले लगायतले मन्तब्य ब्यक्त गरेका थिए।

अध्यक्ष गोकर्ण क्षेत्रीको अध्यक्षतामा सम्पन्न कार्यक्रमको सन्चालन सचिब लिल बहादुर घर्तीले गरेका थिए भने स्वागत उपाध्यक्ष कृष्ण कला केसिले गरेको थिइन ।

सहकारी बिभागको निर्णय तथा पोखरा महानगरपालिका निर्देसित स्वास्थका मापदण्ड पूरा गर्दै कार्तिक २ गतेबाट शुरु भएको साधारण सभा आज समापन गरिएको हो /

कार्यक्रममा संस्थाका संचालक समितिका पदाधिकारी तथा सदस्यहरु विभिन्न समितिका संयोजक तथा सदस्यहरुको उपस्थित रहेको थियो ।