पोखरामा १४८ सहित गण्डकी प्रदेशमा थप २१० जनामा कोरोना संक्रमण पुष्टि

पोखरामा १४८ सहित गण्डकी प्रदेशमा थप २१० जनामा कोरोना संक्रमण पुष्टि भएको छ ।

पोखरा महानगरपालिकाका विभिन्न वडाहरुमा १ सय ४८ सहित गण्डकी प्रदेशमा शनिबार थप २ सय १० जनामा कोरोना संक्रमण पुष्टि भएको गण्डकी स्वास्थ्य निर्देशनालयले जनाएको छ ।

यो सँगै गण्डकी प्रदेशमा १० हजार २ सय ८५ जनामा कोरोना संक्रमित पुगेका छन् ।

गण्डकीका कुल संक्रमितमध्ये ४ हजार ९ सय ९९ जना निको भएका छन् । १ सय १८ जनाको मृत्यु भएको छ ।

कोरोनाबाट मृत्यु हुनेमा कास्कीका ५५, नवलपुरका १९, तनहुँका १५, स्याङ्जाका ९, गोरखाका ८, बागलुङका ८, म्याग्दीका २, पर्वत र लमजुङका १र१ जना छन् ।