पोखरामा कोरोना संक्रमणबाट थप २ जनाको मृत्यु

पोखरामा कोरोना भाइरस संक्रमणबाट थप २ जनाको मृत्यु भएको छ ।

पोखरा १७ का ७८ वर्षीया कोरोना संक्रमित महिलाको मनिपाल शिक्षण अस्पतालमा मृत्यु भएको छ । उनीको कात्तिक २७ गते कोरोना भाइरस संक्रमण पुष्टि भएको थियो ।

यस्तै पोखरा महानगरपालिका वडा नम्बर ३ का ८३ वर्षीय वृद्धको गण्डकी मेडिकल कलेजमा उपचारका क्रममा गण्डकी मेडिकल कलेजमा ज्यान गएको हो ।

उनलाई कार्तिक २९ गते कोरोना भाइरस संक्रमण पुष्टि भएको थियो ।

यससंगै गण्डकी प्रदेशमा कोरोना भाइरस संक्रमणबाट ज्यान गुमाउनेको कुल संख्या १ सय २६ पुगेको छ ।

मृत्यु हुनेमा कास्कीमा ६२, नवलपुर १९, तनहुँका १५, स्याङ्जाका १०, बागलुङ र गोरखामा ८/८, म्याग्दीका २, लमजुङ र पर्वतमा १/१ जना रहेका छन्।