फेसबुक मार्फत महिलालाई १० लाख ठगी गरेको आरोपमा पाण्डे पक्राउ

सामाजिक सञ्जाल फेसवुक मार्फत स्याङ्जाकी एक महिलालाई दश लाख भन्दा धेरै ठगी आरोपमा एक युवा पक्राउ परेकाछन् ।

प्रहरीले बाजुराको हिमाली गाँउपालिका वडा नम्वर ४ का २७ बर्षीय रुपचन्द्र पाण्डेलाई बाँकेको नेपालगन्जबाट पक्राउ गरेको हो ।

पाण्डेले स्याङजाकी एक महिलालाई आँफू ब्राजिलमा रहेको र परिवारका सदस्य गम्भिर बिरामी परेको भन्दै बिश्वास दिलाई १० लाख २८ हजार ७ सय ठगी गरेको स्याङजाका प्रहरी प्रबक्ता राजेन्द्र प्रसाद अधिकारीले जानकारी दिए।

पक्राउ परेका पाण्डेलाई जिल्ला अदालत स्याङजाबाट म्याद थप गराई अनुसन्धान शुरु गरिएको प्रबक्ता अधिकारीले बताए ।

पाण्डे बिरुद्ध आपराधिक विश्वासघात तथा आपराधिक लाभ सम्बन्धी मुद्धा दर्ता गरिएको प्रहरीको भनाई छ ।