पोखरामा कोरोना सङ्क्रमणबाट दुई जनाको मृत्यु

पोखरामा कोरोना सङ्क्रमणबाट दुई जनाको मृत्यु भएको छ।

स्वास्थ्य निर्देशनालय गण्डकी प्रदेशका अनुसार मृत्यु हुने पोखरा पोखरा महानगरपालिका १९ का ५७ वर्षीय व्यक्ति रहेका छन्।

मङ्सिर ११ गते सङ्क्रमणको पुष्टि भएपछि उनको उपचार गण्डकी मेडिकल कलेजमा भइरहेको थियो। निमोनियाबाट ग्रसित रहेका ती पुरुषको मृत्यु शनिवार राती करिब साढे नौ बजे भएका हो।

यस्तै अर्का पुरुष पोखरा महानगरपालिका–११ का ६० वर्षीय रहेका छन्। उनको आइतबार बिहान उपचारको क्रममा पोखरा स्वास्थ्य विज्ञान प्रतिष्ठानमा मृत्यु भएको हो।

गत मङ्सिर सात गते सङ्क्रमणको पुष्टि भएका ती पुरुषमा निमोनिया, उच्च रक्तचाप र मुटु सम्बन्धि रोगको समस्या रहेको थियो।

योसँगै गण्डकी प्रदेशमा कोरोना सङ्क्रमणबाट मृत्यु हुनेको संख्या एक सय ५४ पुगेको छ।