पोखरामा कोरोना भाइरसको संक्रमणबाट थप २ जनाको मृत्यु

कोरोना भाइरसको संक्रमणबाट पोखरामा थप २ जनाको मृत्यु भएको छ ।

स्वास्थ्य निर्देशनालय गण्डकीले उपचारका क्रममा पोखरा स्वास्थ्य विज्ञान प्रतिष्ठान एक पुरुष र चरक मेमोरियल अस्पतालमा १ महिलाको मृत्यु भएको जानकारी दिएको छ।

मृत्यु हुनेमा पोखरा महानगरपालिका वडा नम्बर ३ का ६५ वर्षीय कोरोना संक्रमित पुरुषको पोखरा स्वास्थ्य विज्ञान प्रतिष्ठानमा निधन भएको छ ।

उनलाई मंसिर ८ गते कोरोना भाइरस संक्रमण पुष्टि भएको थियो ।

यस्तै पोखरा १६ का५७ बर्षिय १ जना महिलाको समेत उपचारका क्रममा चरक मेमोरियल अस्पतालमा मृत्यु भएको छ ।
उनलाई मंसिर १२ गते कोरोना भाइरस संक्रमण पुष्टि भएको थियो ।

योसंगै गण्डकी प्रदेशमा कोरोना संक्रमणबाट ज्यान गुमाउनेको कुल संख्या १ सय ५६ पुगेको छ ।