वालवालिकालाइ स्कूल जान जागरुक बनाउन आधादर्जन विद्यायलमा शैक्षिक सामाग्री

बिहानै देखि रुरु ३ थानपतिका विद्यालयमा पढ्ने स–साना बालबालिकाहरु गाई गुइँ हल्ला गर्दै थिए/आज सबै स्कुल जानू पर्छ नयाँ झोला पाइन्छ रे ।

कोभिड १९ को संक्रमणको त्रासले विद्यालय नगएका बालबालिका पनि छिटै स्कुल हिँडेको देखिन्यो ।

विद्यालयले विद्यार्थीका अभिभावकहरुलाइ समेत बोलाएको थियो ।अपरान्हको १२ वज्दा नवज्दै विध्यालयमा अभिभावक समेत जम्मा भइसकेका थिए ।

केही बेरमा एक हुल मान्छेहरु आए र कार्यक्रम शुरु भयो ।विध्यालयमा आएका नयाँ मान्छेहरुले राता र निला राम्रा झोला समेत ल्याएका थिए ।

विद्यालयमा आएका ती मान्छेहरुले झोला खोले त्यसभित्र रहेका कापि ज्यामिति बक्स, कलर बक्स, कापीकलम झिकेर फेरि विद्यार्थी र अभिभावकहरुलाइ झोलामा सामाग्री राख्न सिकाए । सबै विध्यार्थीहरुलाई पालै संग एकएक वटा झोला दिए ।

रुरुक्षेत्र गाउँ पालिका ३ सागर पोखरीमा मंसिर १४ गते अपरान्हको नजारा हो यो ।

ग्वाँदीका समाजसेवी मंगलबहादुर रेगामीको पहलमा चाइना फाउण्डेशन र अपांग पुर्नस््थापना समाजको सहयोगमा एकै दिन रुरु क्षेत्र का ४ वटा प्राथमिक ३ वटा बालविकास केन्द्र र राष्ट्रिय माध्यमिक विध्यालयका विध्यार्थीहरुलाइ यी शैक्षिक सामाग्री बितरण गरेर शैक्षिक विकासमा योगदानको हात बढाएको छ ।

हामीले विद्यार्थीहरुमा शैक्षिक जागरण सँगै विद्यालय जाने वानीको विकास होस भनेर यो अभियान थालेको समाजसेवी मंगल रेगामीले बताए।

झोला र शैक्षिक सामाग्री पाएपछि वालवालिका उत्साहित भएको र उनिहरु विध्यालयमा निरन्तर आउने आशा गरिएको प्रतिभा प्राथमिक विद्यालयका प्रधानध्यापक लक्ष्मण पन्थीले प्रतिकृया दिए।

चीन सरकारको तर्फबाट उपहार लेखिएका राता र निला एकैनाशका झोला बोकेर आफ्ना छोराछोरी घर फर्किँदा अभिभावक पनि छोरा छोरी सँग रमाएको देखियो ।

चीन सरकारको सहयोगमा यसरी बाँडिएक शैक्षिक सामाग्रीका कारण विद्यार्थीहरुलाइ विद्यालय जानू पर्ने कुरामा उत्प्रेरित गरेको छ।