पोखरामा कोरोना संक्रमणबाट थप ३ जनाको मृत्यु

पोखरामा कोरोना संक्रमणबाट थप ३ जनाको मृत्यु भएको छ।

स्वास्थ्यमा समस्या देखिएपछि पोखरा स्थित मणिपाल शिक्षण अस्पताल र चरक मेरोरियल अस्पतालमा उपचाररत थप तीन जनाको मृत्यु भएको हो ।

स्वास्थ्य निर्देशनालय गण्डकीका अनुसार कोरोना संक्रमणबाट पोखरा १७ छोरेपाटन निवासी ६६ वर्षीया महिलाको मणिपाल शिक्षण अस्पतालमा उपचारकै क्रममा मृत्यु भएको हो ।

उनमा ंसिर १५ गते कोरोना संक्रमण पुष्टि भएको थियो ।स्वासप्रस्वासको समस्या देखिएपछि उनलाई मणिपाल अस्पतालमा भर्ना गरिएको थियो ।

त्यसैगरी लमजुङ बेँसीशहर नगरपालिका ११ निवासी ४३ वर्षीया कोरोना संक्रमित महिलाको उपचारका क्रममा मणिपाल अस्पतालमा मृत्यु भएको छ ।

उनमा यही मंसिर ९ गते कोरोना संक्रमण पुष्टि भएपछि अस्पताल भर्ना गरिएको थियो । उनमा सुगर सहितको दीर्घ रोग समेत रहेको स्वास्थ्य निर्देशक डा. विनोद विन्दु शर्माले बताए ।

त्यसैगरी पोखरा–१७ का ३४ वर्षीय पुरुषको समेत कोरोना संक्रमणबाट मृत्यु भएको छ । उनलमा यही मंसिर ७ गते संक्रमण पुष्टि भएपछि पोखराको चरक मोमोरियल अस्पतालमा भर्ना गरिएको थियो ।

उनको उपचारकै क्रममा शनिबार राति मृत्यु भएको निर्देशक डा. शार्माले बताए ।

यस सँगै गण्डकी प्रदेशमा कोरोना संक्रमणबाट मृत्यु हुनेको संख्या १ सय ६९ पुगेको छ ।