पोखरामा कोरोना संक्रमणबाट थप ४ जनाको मृत्यु

पोखरामा कोरोना संक्रमणबाट थप ४ जनाको मृत्यु भएको छ ।

पोखरा स्थित विभिन्न अस्पतालहरुमा उपचाररत ४ जनाको मृत्यु भएको हो ।

गण्डकी प्रदेश स्वास्थ्य निर्देशनालयका अनुसार गण्डकी मेडिकल अस्पतालमा उपचाररत २ जना, मणिपाल अस्पतालमा १ जना र फिस्टेल हस्पिटलमा १ जनाको मृत्यु भएको हो ।

पोखरा १५ का ६७ वर्षीय पुरुषको मंसिर २४ गते बिहान गण्डकी मेडिकल कलेजमा उपचार कै क्रममा मृत्यु भएको छ। उनमा मंसिर १७ गते कोरोना पुष्टि भएको थियो ।

यस्तै पोखरा १४ का ७४ वर्षीय पुरुषको मंसिर २३ गते गण्डकी मेडिकल कलेजमा उपचारका क्रममा मृत्यु भएको छ। उनमा मंसिर २१ गते कोरोना पुष्टि भएको थियो ।

त्यसैगरी मंसिर १७ गते कोरोना पुष्टि भई फिस्टेल हस्पिटलमा उपचाररत पोखरा १६ की ५९ वर्षीया महिलाको २४ गते बिहान मृत्यु भएको छ ।

त्यसै गरी मंसिर २२ गते कोरोना संक्रमण पुष्टि भई मणिपाल शिक्षण अस्पतालमा उपचाररत पोखरा १३ का ७७ वर्षीय पुरुषको मृत्यु भएको निर्देशनालयले जनाएको छ ।

यो सँगै गण्डकी प्रदेशमा कोरोना संक्रमणबाट मृत्यु हुनेको संख्या एक सय ७६ पुगेको छ ।