सरकारको निर्णय विरुद्ध आक्रामक बन्दैं यातायात व्यवसायी

शुभेच्छा न्यूज

पोखरा, ११ बैशाख । सरकारले यातायात संघसंस्था तथा समितिको नवीकरण नगर्ने निर्णय बिरुद्ध व्यवसायी आन्दोलनमा उत्रिएका छन् । यसैक्रममा उनीहरुले मंगलबार पोखरामा कोण सभाको आयोजना गरेका छन् । नेपाल यातायात व्यवसायी मूल आन्दोलन समिति प्रदेश ४ को आयोजनामा पोखराको मानवअधिकार चोकमा कोणसभा आयोजना गरिएको हो ।

कोणसभालाई सम्बोधन गर्दै आन्दोलन मूल आयोजक समिति संयोजक भानुभक्त बरालले सरकारले हचुवाको भरतमा संघसंस्था खारेजी गर्ने तथा नवीकरण नगर्ने निर्णय गरेको भन्दै उक्त निर्णय फिर्ता लिन आग्रह गरे । मूल आन्दोलन समितिका सहसंयोजक भानुभक्त अधिकारीले यातायात व्यवसायीमाथि सरकारले अन्यायपूर्ण निर्णय लिएको बताए । कार्यक्रममा बोल्दै आयोजक कमिटिका सदस्य अमृत शर्मा तिमिल्सिनाले सरकारले वार्ता र संवादबाट निकास निकाल्नुपर्ने धारणा राखे ।

नेपाल यातायात व्यवसायी राष्ट्रिय महासंघ, नेपाल ट्रक यातायात व्यवसायी महासंघ, नेपाल पेट्रोलियम ढुवानी व्यवसायी महासंघ, ढुवानी व्यवसायी महासंघ नेपाल, नेपाल पेट्रोलियम डिलर राष्ट्रिय एसोसिएसनको सहभागितामा व्यवसायीहरु आन्दोलनमा छन् ।