पोखरामा प्रधानमन्त्रीको पुत्ला दहन

पोखरामा युवाहरूले प्रधानमन्त्री केपी शर्मा ओलीको पुत्ला जलाएका छन् ।

प्रधानमन्त्री ओलीको सिफारिसमा आइतबार राष्ट्रपतिले संघीय संसद विघटन गरेपछि युवा-विद्यार्थीले पुत्ला जलाएका हुन् ।

पोखराको पृथ्वीनारायण क्याम्पसको गेटबाहिर नेपाल कम्युनिस्ट पार्टी नेकपाका अर्का अध्यक्ष पुष्पकमल दाहाल प्रचण्ड,अर्का नेता माधवकुमार नेपाल पक्षधर अनेरास्ववियुका विद्यार्थी, जनता समाजवादी पार्टीका विद्यार्थीले प्रदर्शनसमेत गरिरहेका छन्।

पोखराको महेन्द्रपुलमा पुत्ला जलाउने क्रममा प्रहरी तथा नेताहरुबीच केही बेर झडप भएको थियो ।

आफूहरुले शान्तिपूर्ण रुपमा विरोध कार्यक्रम तथा पुत्ला जलाएको भएपनि प्रहरीले हस्तक्षेप गरेको उनीहरुको आरोप छ ।