पोखरामा सेतीनदीको पुलबाट खसेर महिलाको मृत्यु

पोखरामा सेतीनदीको पुलबाट खसेर एक महिलाको मृत्यु भएको छ ।

पटनेरी र बागमारा जोड्ने सेती नदीको पुलबाट खसेर ५१ वर्षीय महिलाको मृत्यु भएको हो ।

शुक्रबार दिउँसो पुलबाट खसेकी महिलाको सेतीनदी किनारमा शव भेटिएको गण्डकी प्रदेश प्रहरी कार्यालय पोखराका प्रहरी नायव उपरीक्षक राजकुमार थिङले जानकारी दिए।

घटनाको बारेमा अनुसन्धान भइरहेको प्रहरीले जनाएको छ ।