पोखरामा कोरोना संक्रमणबाट एक जना महिलाको मृत्यु

पोखरामा कोरोना संक्रमणबाट एक जना महिलाको मृत्यु भएको छ।

पोखरा महानगरपालिका २ की ५८ वर्षीया महिलाको उपचारको क्रममा फिस्टेल अस्पतालमा मृत्यु भएको छ ।

महिलाको उपचारको क्रममा बिहीबार बिहान मृत्यु भएको अस्पतालले जनाएको छ ।

गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा विनोद विन्दु शर्माका अनुसार उनीमा बुधबार मात्र कोरोना संक्रमण पुष्टि भएको थियो ।

योसँगै गण्डकी प्रदेशमा कोरोना संक्रमणबाट मृत्यु हुनेको संख्या १९२ पुगेको छ ।