नियम बिपरित गर्ने कसैलाइ छुट हुदैन ः प्रमुख जिसि

शुभेच्छा न्यूज
पोखरा । पोखरामा सामुदायिक तथा सस्थागत बिद्यालयहरुको शैक्षिक अवस्थाबारे जानकारी लिने उदेस्यले सरोकारवालाहरुको बैठक सम्पन्न भएको छ ।
पोखरा लेखनाथ महानगरपालिका शिक्षा शाखाको आयोजनामा भएको छलफलमा बोल्दै महानगर प्रमुख मानबहादुर जिसिले नियम कानुन भित्र रहेरचल्ने बिद्यालयलाई महानगरले सम्मान गर्ने बताए। ‘शिक्षाको नाममा नियम बिपरित कार्यगर्ने कसैलाइ छुट हुदैन’ उनले भने। ‘शुल्क बढि लिएको पाइएमा महानगरपालिकामा उजुरी गर्नुस नियमानुसार कार्वाही गछौं।’
केही गलत गर्ने संस्थाको आडमा सवैलाई आरोप लगाउन उपयुक्त नहुने भन्दै प्रमुख जिसीले अब, महानगरपालिकाको अनुमती बेगर सञ्चालन भएका बिद्यालय, मन्टेस्वरी लगायतका संस्थाहरुको अनुगमन तिव्र पार्ने बताए।
उनले बिद्यालय, कोचिङ्ग, ट्युसन सेन्टरहरुको समेत अनुगमन गर्ने तयारी गरेको बताए। महानगरपालिकाले आगामी बर्षदेखि स्थानिय आवश्यकता र जनचाहनालाई प्राथमिकतामा राखेर पर्यटन ,खेलकुद लगायतका बिषयबस्तुका पाठ्यपुस्तक तयार गरी लागू गर्ने तयारिका लागि छलफल सुरु गरिसकेको जनाएको छ ।
सस्थागत बिद्यालयहरुले मनोमानी शुल्क असुल गरेको ,मन्टेस्वरीले बिध्यालय सरह कक्षाहरु सञ्चालन गरेको, अनुमती बिना कक्षा थप भएको लगायतका बिषयमा जनगुनासो बढेपछि छलफलको आयोजना गरिएको हो।