नेकपा प्रचण्ड-नेपाल समूहद्वारा आमहड्तालको घोषणा

नेपाल कम्युनिस्ट पार्टी (नेकपा) को प्रचण्ड-नेपाल समूहले भोलि आमहड्तालको घोषणा गरेको छ ।

बिहीबार पेरिसडाँडामा पत्रकार सम्मेलन गरी नेकपाको प्रचण्ड-नेपाल समूहले संवैधानिक निकायमा गरिएको नियुक्तिको विरोधमा भोलि (बिहीबार) देशभर आमहड्तालको घोषणा गरेको हो ।

पत्रकार सम्मेलनमा स्थायी कमिटी सदस्य पम्फा भुसालले देशव्यापी आमहड्तालमा स्कुल, यातायात, कलकारखाना, पसल लगायत सबै बन्द रहने बताइन् । तर, विद्यार्थीको परीक्षामा भने कुनै रोक नलगाइने उनले बताइन् ।

उनका अनुसार कामचलाउ सरकारले गरेका संवैधानिक नियुक्तिको विरोधमा बुधबार साँझ देशभर मसाल जुलुस निकालिने छ ।