बिरौंटा क्लबको जनप्रतिनिधिलाइ सम्मान र तिज बिषेश कार्यक्रम

बिरौटा क्लवले जनप्रतिनिधिलाइ सम्मान सहित तिजको उपलक्ष्यमा शुभकामना कार्यक्रमको आयोजना गरेको छ ।

क्लबले बिहिबार स्थानियतहको निर्वाचनमा पोखरा महानगरपालिका निर्वाचित जनप्रतिनिधिलाइ सम्मान तथा तिजको अबसरमा दर खाने कार्यक्रमको आयोजना गरेको हो ।

पोखरा महानगरपालिका वडानं–१७ का अध्यक्ष राधिका शाही योगी,बिष्णु थापा भुजेल,तारा परियार, शिवराम भण्डारी, बिक्रम गुरुङ, र क्लवको भवन निर्माणका लागि गग्गा प्रदान गर्ने जग्गादाता एवं वडानं ६ बाट वडासदस्यमा निर्वाचित बासुदेव बराललाइ सम्मान गरिएको क्लवका अध्यक्ष पवित्र मणी पोखरेलले जानकारी दिए ।

कार्यक्रममा प्रमुख अतिथि वडानं १७ का वडाअध्यक्ष राधिका शाही योगी, संस्थापक अध्यक्ष खगराज आचार्य, पुर्व अध्यक्ष भेषराज बराल, कालिदास पौडेल, महिलाहरुको तर्फबाट संकल्प आमासमुहका पुर्व अध्यक्ष भगवती बराल र जग्गादाता यदु प्रसाद बरालले मन्तब्य राखेका थिए ।

तिज गित प्रतियोगितामा सहभागि महिला मध्ये श्रीधरा अधिकारी प्रथम, गिता लामिछाने दृतिय, रन्जिता आचार्य तृतिय र दुर्गा अधिकारीले सान्त्वना पुुरस्कार जित्न सफल भएको क्लबका सचिब सरिता बरालले बताइन् ।

क्लवले बार्षिक कार्यतालिका अनुसार आयोजना गरेको कार्यक्रममा स्वागत मन्तब्य राख्दै अध्यक्ष पवित्र मणी पोखरेलले स्थापनाकालदेखि हालसम्म गरेका सामाजिक कार्यहरु सहित आगामी दिनमा क्लवले गर्ने कार्यहरुका वारेमा आफ्ना भनाइ राखेका थिए ।

अध्यक्ष पोखरेलको अध्यतामा सम्पन्न कार्यक्रमको संचानल सचिब सरिता बरालले गरेकी थिइन । कार्यत्रममा धन्यवाद ज्ञापन कोषाध्यक्ष ओमप्रकाश बरालले गरेका थिए ।