यातायात ब्यवसायीले अटेरगरेको भन्दै सामाखुशी-पुरानो बसपार्क रुट परमिट खारेज

काठमाडौं : सिन्डिकेट खारेज गरेको विरोधमा हड्ताल गर्दै शुक्रबार गाडी थन्क्याएपछि सरकारले पहिलो ‘एक्सन’ स्वरुप नयाँ बसपार्कबाट सामाखुशी हुँदै पुरानो बसपार्कसम्मको रुट परमिट खारेज गरेको छ।

यातायात व्यवस्था विभागका प्रवक्ता तुल्सीराम अर्यालले उक्त रुटमा इजाजत लिएर पनि कुनै प्राविधिक समस्याविना गाडी नचलाउने व्यवसायीहरुको रुट इजाजत खारेज गरिएको जानकारी दिए। उनका अनुसार उक्त रुटमा नयाँ इजाजत खुला गरिएको छ। सो रुटमा सेवा दिन चाहनेले इजाजत लिएर बस सेवा सञ्चालन गर्न सक्नेछन्।

यातायात व्यवस्था विभागको टोलीले उक्त रुटको निरीक्षण गरेर गाडी नचलाएर यात्रुलार्इ सास्ती दिएको भेटेपछि यस्तो निर्णय लिएको हो। सरकारले राजपत्रमै सूचना प्रकाशन गरेर अत्यावश्यक रोकन नपाइने निर्णय गरे पनि यसको अवज्ञा गर्दै व्यवसायीले गाडी नचलाएपछि विभागले यस्तो निर्णय लिएको हो।