युवा संघको पोखरा १७ वडा कमिटी अध्यक्षमा पौडेल चयन

युवा संघ नेपालको पोखरा महानगरपालिका १७ को वडा कमिटी अध्यक्षमा कृष्ण पौडेल चयन भएका छन् ।

शुक्रबार भएको भेलाले पौडेलको नेतृत्वमा ३७ सदस्यीय कमिटी गठन गरेको हो । कमिटीको उपाध्यक्षमा विकास गुरुङ, सचिवमा सागर आचार्य, सहसचिवमा लक्ष्मण बराल, विष्णु भण्डारी र कोषाध्यक्षमा विनिता पौडेल चयन भएका छन् ।

निर्वाचित पदाधिकारी र सदस्यलाई युवा संघ नेपाल कास्कीका अध्यक्ष पानबहादुर जिसिले पद तथा गोपनियताको सपथ खुवाएका थिए ।

भेलामा नेकपा एमाले पोखरा महानगर कमिटीका सचिवालय सदस्य लक्ष्मण शर्मा, कृष्ण लम्साल, महानगर सदस्य नगेन्द्र शर्मा, युवा संघ केन्द्रीय सदस्य सरस्वती पुरी, जिल्ला अध्यक्ष पानबहादुर जिसि, जिल्ला सचिव नवराज केसी, महानगर सचिव सुशील जिसि, नेकपा एमाले पोखरा १७ का अध्यक्ष रिशव तिमिला लगायतको उपस्थिति थियो ।